Inihayag ng aktres na si Beauty Gonzalez na talagang hindi siya makapaniwala sa mga natatanggap niyang blessing sa kanyang buhay at sa kanyang showbiz career dahil talaga namang umaalagwa ito.
Nitong nakaraan nga ay dumalo ang aktres sa Sundance International Film Festival sa Utah at kasama siya doon ng grupo ng pelikulang In My Mother’s Skin.
“It was amazing. Ang lamig-lamig, pero hindi ko in-expect ang Sundance. Hindi ko in-expect na makakasama ko sa Sundance because when I was making the film, we haven’t had talk like that. The first thing na napa-oo ako sa In My Mother’s Skin kasi, it was shot in Bacolod. In the old Oro, Plata, Mata. Ay, kinilabutan na naman ako…It was in the old Oro, Plata, Mata house. It’s Filipino icon, that house, that movie and to be shooting there again… and believe it or not, buhay pa ang may ari,” sabi ni Beauty.
“Noong sinabi sa amin na kasama ako sa Sundance, pumunta ako and it was a great experience. I saw Anne Hathaway, I saw a lot of producers. I saw Dakota Johnson of 50 Shades of Gray and it was a good experience because I got to network myself to others also and hopefully, there’ll be one coming this year and I’ll be working abroad. So, hopefully… we’ll see kung matutuloy,” dagdag niya.
Ibinalita rin ng aktres na mapapanood na sa Amazon Prime ang pelikula nilang dinala sa Sundance.
“To top it all, binili na ng Amazon ang movie namin. So we are part of Amazon and it’s coming out this July or June. S’yempre, ang dami pang festival na kailangang puntahan na kasama ‘yung movie, it’s really unexpected talaga,” sabi ni Beauty.
Sa ngayon ay may bagong sitcom ang aktres kasama si Senator Bong Revilla, bukod pa sa bago niyang teleserye sa GMA Network at may pumasok na namang bagong endorsement deal sa kanya.
“Naniniwala talaga ko, good things happen to good people. Kung tuloy-tuloy lang ang pagiging good mo, wala kang inaapakang tao, honest ka lang, at marami kang tinutulungan. At kapag may tinutulungan ka, may babalik din sa iyo,” sabi ni Beauty.
