Hindi na napigilan ng young actress na si Alexa Ilacad na magpaka-fangirl sa kanyang idol – ang Kapuso Primetime Queen na si Marian Rivera at sa kanyang IG ay ibinahagi niya ang larawan nila na kuha nang magkita sila sa isang event recently.
Makikita sa photo si Marian na nakayakap kay Alexa mula sa likuran nito na may caption na, “Another fangirl moment with my idol, @marianrivera. I love you, ate Yan!”
Nagkomento naman ang asawa ni Dingdong Dantes sa post ni Alexa sa pamamagitan ng kissing emoji.
Ni-repost din ni Alexa ang naturang photo sa kanyang Instagram story na may mensaheng, “I can’t contain my kilig (crying emoji and heart pierced with arrow emoji).”
Dagdag pa niya, “MY IDOL,” with matching arrow emoji pa na nakaturo sa Kapuso actress at TV host.
Nag-comment naman ang ka-loveteam ni Alexa na si KD Estrada sa nasabing post ng, “Wow twins!” na sinang-ayunan naman ng mga KDLex fans.
