Nagdiriwang ang mga tagahanga ng dating mag-asawa na sina Megastar Sharon Cuneta at Gabby Concepcion nang malaman ang pagbabalik nila ng ex-husband sa entablado.
Noong 9 Agosto, inianunsyo ng megastar ang opisyal ng poster ng concert nila ni Concepcion na “Dear Heart” sa Instagram.
“Dear Heart, the Concert. MOA. October 27, 2023 @concepciongabby Tickets will be available starting 12noon on August 15, 2023 via SM TICKET OUTLETS NATIONWIDE or at www.smtickets.com #dearhearttheconcert,” sulat sa post ni Cuneta.
Ibinahagi din ni Concepcion ang poster sa kanyang Instagram account.
Ang pangalan ng concert ng dating mag-asawa ay kapareho ng pamagat ng kanilang sikat na pelikula noong 1981 na “Dear Heart.”
Sinusundan ng pelikulang Dear Heart ang kuwento ni April na ginampanan ni Cuneta, isang babaeng mula sa isang mayamang pamilya. Sa pelikula, nakilala niya ang karakter ni Gabby Concepcion na nagngangalang Jimmy.
Bukod sa tagumpay ng nasabing pelikula, naging daan din ito sa pagkabuo ng loveteam ng dalawa.
Matapos ang ilang taon ay ikinasal sila noong 1984 at biniyayaan ng isang anak na si KC Concepcion. Tumagal lamang ng tatlong taon ang kanilang pagsasama at naghiwalay noong 1987.
