Kinwestiyon ng tambalang The Diva That You Love Alwin Ignacio at Showbiz Ultra Maldita Alex Brosas ang isang linya sa bagong single ni Carlos Agassi na “Milk Tea” sa kanilang programang D’ TT Show sa Linggo sa Facebook page at You Tube channel ng Dyaryo Tirada.
Tanong ng dalawa, nagkakumparahan na kaya ang grupo ni Carlos dati na The Hunks kaya aware si Carlos na may malaki pa sa kanyang milk tea?
“Aware si Carlos na may mga venti na mas malaki sa kanyang milk tea. So nakapag-compare na siya ng mga notes?” sabi ni Alwin sabay halakhak.
“Gusto ko pang malaman nung panahon nila sa The Hunks…nag-compare notes kaya sila nung araw?” dagdag niya.
Isa sa mga linya sa kanta ng 43-year-old na aktor ay “Venti ang kanyang milk tea. Sa dami ng binibini, naka-bingwit ako ng binabae,” kung saan pinaparating niyang siya ay nabudol ng isang trans woman na akala niya ay totoong babae.
Giit ng netizens, pang-iinsulto ang ilang linya sa kanta ng akto sa LGBTQ community.
Pahayag ni Ultra Maldita Alex Brosas, “Sila nga dapat yung ma-insulto, yung mga lalaki, kasi nainsulto (mo) sila.”
“Napakaganda ng kanta. I find it very very attractive. You know why? Because it makes men stupid,” dagdag niya.
Buwelta ng aktor, wala siyang kasalanan sa ginawa niyang kanta dahil walang intensyong makasakit ng ibang tao.
“I respect all genders, not my fault (that’s) your interpretation of the song. Will be praying for your happiness & enlightenment,” pahayag niya.
