Inamin na ng aktres na si Max Collins na hiwalay na sila ng kanyang nobyong aktor na si Pancho Magno pagkatapos kumalat ang mga usap-usapan na hiwalay na sila nang magkahiwalay nilang idinaos ang first birthday party ng anak nilang si Skye noong 2021.
Sa panayam ni Boy Abunda sa kanyang talk show na Fast Talk With Boy Abunda, lakas-loob na kinumpirma ng Kapuso actress na hiwalay na sila ni Pancho at nangyari raw ang separation nila noong kasagsagan ng pandemic.
Ayon sa aktres, sa dami umano ng pinagdadaanan niya that time ay mas pinili na lang daw niya ang manahimik.
“We split a long time ago during the pandemic. I didn’t talk about it, we didn’t talk about it because, s’yempre, marami kaming pinagdaan as a family that time… because there was a pandemic, nanganak ako, my marriage was falling apart,” sabi ni Max.
“I had to process everything, and I wanted to quiet the noise. I didn’t want to hear other people’s opinions, suggestions, comments… I mean, artista na po ako ako, ‘di ba? So ayaw ko namang gawing teleserye ‘yong buhay namin,” dagdag niya.
Hindi raw naging madali ang breakup nila pero napagkasunduan umano nila ng dati niyang mister na gawin ito nang tahimik.
“I think every separation is difficult, but it was amicable,” she said. “We were not working [out], and we needed to try spending time apart to see how that would work because we have a son to think about,” sabi pa ni Max.
Naniniwala raw kasi siyang para maging masaya ang anak nila, kailangang maging masaya muna silang mga magulang at mangyayari daw iyon kapag magkahiwalay sila.
Pero paglilinaw niya, sinubukan naman daw nilang isalba ang kanilang pagsasama lalo pa’t mahaba na rin ang kanilang pinagsamahan.
“We’ve been together for eight years total. Nilaban namin hangga’t kaya ng mga puso namin in a sense where dumating ‘yong point na we stopped becoming in denial about it,” pagtatapat ni Max. “I’m just saying I didn’t want to lie to myself anymore, and I think he didn’t want to as well.”
Nakapag-move on na raw si Max sa hiwalayan nila ni Pancho pero “best of friends” daw sila at naging “closer” sila ngayon.
Happy rin umano siya na maayos ang co-parenting setup nila para sa anak nilang si Skye.
“That’s why I’m ready to talk about it now because we’re in a good place. I actually got his blessing to do an interview with you,” pagbabahagi ng aktres. “We’re in a very good place now. Our child is almost three [years old], and he’s very happy and healthy, and we have a very good co-parenting relationship.”
