Ikinasal na sa wakas si Miss Universe 2015 na si Pia Wurtzbach sa kanyang nobyong si Jeremy Jauncy at ibinahagi ng beauty queen at aktres ang kanilang wedding photos sa social media.
Nitong May 5 ay nagpost si Pia sa kanyang IG ng isang video na kuha mula sa kanilang beach wedding na ginanap sa North Island sa Seychelles.
“Mr. and Mrs. Jauncey 24.03.23,” saad ni Pia sa caption.
Makikita sa video clip ang sweet at funny moments ng dalawa pati na rin palitan nila ng wedding vows at pagsusuot ng kanilang wedding rings.
Marami naman sa mga netizens at celebrity friends ng dalawa ang nagpaabot ng kanilang congratulatory messages para sa bagong kasal.
“Aaaaaaw so incredibly happy for you, Pia! Best wishes and congratulations,” saad ni Bianca Gonzalez.
“Congratulations Mr and Mrs Jauncey!!!” pagbati ni Anne Curtis.
Matatandaang unang kinumpirma ng beauty queen ang kanyang relasyon kay Jeremy noong June 2020.
Makalipas ang halos dalawang taon, inihayag naman ni Pia ang kanilang engagement noong May 2022.
