Nagiging tampulan ngayon ng tukso ang aktres na si Janine Gutierrez matapos ang nangyaring pagkikita nila ng actor na si Enrique Gil sa “ASAP Natin ‘To” nitong nakaraan.
Sa isang segment kasi ng show ay nagbalik sa dance floor ang aktor kung saan sumayaw siya ng “Teach Me How to Dougie” at matapos ang dance performance ni Enrique ay in-interview siya nina Janine Gutierrez st Erik Santos para i-promote ang kanyang comeback movie na “I Am Not Big Bird” kasama ang kanyang co-star na si Red Ollero.
Nang matapos ang kanyang pagpo-promote sa pelikula ay nabaling ang atensyon ng aktor kay Janine upang magpasalamat.
Hindi na napigilan ni Enrique ang purihin ang dalaga dahil sa taglay nitong kagandahan.
Bagamat hindi narinig nang maigi sa mic kung ano ang sinabi ng aktor, marami ang nag-assume na ang sinabi niya ay “You are so gorgeous, grabe!”
Nagpasalamat naman si Janine sa compliment na sinabi sa kanya ni Enrique.
Hindi naman nakatakas sa madlang netizens na tila may spark ang dalawa at may chemistry together kahit na saglit lang silang nagkasama.
“Grabe ‘yung tingin ni Enrique kay Janine!!! Jusko nabulol pa tuloy si Janine hahaha naramdaman ko yung kaba niya,” saad ng isang netizen.
