Matinding regalo pala ang ibinigay ng vlogger at aktres na si Zeinab Harake sa sarili para sa kanyang birthday dahil isang Lexus LM luxury van lang naman ang kanyang binili na worth millions daw.
Sa kanyang IG, ibinahagi ni Zeinab sa kanyang mga followers na finally ay natupad na niya ang isa sa kanyang mga dream at kasama sa kanyang litrato ang bagong bili niyang sasakyan.
“Walang hanggang pasasalamat sa itaas grabe ka lord salamat po sa lahat ng blessings,” saad ni Zeinab.
Sa YouTube vlog naman ni Zeinab, ibinahagi niya ang mga detalye tungkol sa pagbili niya ng mamahaling sasakyan na pinaniniwalaang nagkakahalaga ng P7 million hanggang P11 million.
Dito, nasabi ni Zeinab na para talaga sa bunso niyang anak na si Bia ang naturang sasakyan at two years in the making daw ang pag-purchase nito.
“Ito yung sinasabi kong gusto kong i-birthday gift sa sarili ko. And hindi lang para sa akin, para kay Bia ito. Na-delay ng ilang taon, halos two years, yung van na gusto ko para kay Bia, katulad nung van ko na Alphard,” sabi ni Zeinab.
Saad pa niya, nai-turn over sa kanya ang sasakyan noong November 21, 2023 at agad niya itong dinala sa Tycoon Powercars para sa paint protection film at ceramic coating.
Bukod sa bago niyang car, may dalawa pang bonggang sasakyan si Zeinab, ang Ram Rebel 1500 pickup truck na nagkakahalaga ng more or less P5 million.
Para raw ito sa kanyang 7-year-old adopted son na si Lucas, “Ito si Baby Ram. Itong kotse na ito, para kay Kuya Lucas dahil gusto niya ng monster truck.”
