Nitong nakaraan ay nagviral ang isang video kung saan makikitang may kasama ang aktres na si Kylie Padilla sa isang mall kamakailan at maraming netizens ngayon ang nagtatanong kung sino nga ba ang mystery guy na ito.
Sa video kasi, makikita na namimili si Kylie sa isang store at may kasama siyang lalaki na matangkad, long hair at may mga tattoo sa katawan at kalaunan ay nakilala na ito bilang ang tattoo artist na si Jinno John Simon.
Marami ang talaga namang naging curious kung ito na nga ba ang bagong pag-ibig ni Kylie.
Sa pamamagitan ng isang TikTok post ng celebrity fitness coach na si Francis Simon, ibinunyag ng aktres na ang lalaking kasama niya ang nagpapasaya sa kanya ngayon.
“Meron akong itatanong. Nagkakagulo ang lahat; nagtatalo sila e,” sambit ni Francis habang katabi niya si Kylie. “Sino ba ‘yung kasama mo sa mall, ‘yung nakaputi [at] long hair?”
Diretsahang sagot ni Kylie, “Ah, ‘yun ba? [Siya] ‘yung nagpapasaya sa puso ko. ‘Yun ‘yon.”
Kasunod niyan ay sinasabi ng fitness coach na kilala niya kung sino ‘yung tinutukoy ni Kylie.
Tugon naman sa kanya ng aktres, “Parang kilala mo ‘yun, kuya. Parang kamukha mo nga e.”
Hindi na idinetalye ni Kylie ang identity ni Jinno o kaya kung ano ang real score nila, pero tila kinumpirma na ni Francis ang ilang hinala ng netizens.
Kung matatandaan, ,Enero ng nakaraang taon nang unang umugong ang chika na may bago nang karelasyon si Kylie nang magbahagi ito ng mga larawan na may kasam ang guy habang nagbabakasyon sa Thailand.
Marami tuloy ang nagsasabi at naniniwala na ang lalaking kasama niya noon sa Thailand at ang lalaking kasama niya sa mall ay iisa.
