LOS ANGELES (AFP) — Si Joel Embiid ang naging ikasiyam na manlalaro sa kasaysayan ng National Basketball Association na umiskor ng 70 puntos o higit pa sa isang laro nang talunin ng Philadelphia 76ers ang San Antonio Spurs, 133-123 noong Lunes.
Ang performance ni Embiid ang naging daan sa tagumpay para sa Sixers at na-upstage ang isang impresibong 33-point show mula sa Spurs rookie na si Victor Wembanyama.
Nagtapos si Embiid na may 70 points, 18 rebounds at limang assists, bumaril ng 24-of-41 mula sa field at gumawa ng 21-of-23 free throws sa parehong araw na naghulog ng career-high na 81 puntos si yumaong Kobe Bryant sa Los Angeles Lakers ‘ 122-104 panalo laban sa Toronto Raptors noong 2006.
Dahil sa franchise-record effort ng Cameroonian star, siya ay naging isang elite band ng NBA stars na nag-post ng 70 o higit pang puntos sa isang laro, kasama sina Wilt Chamberlain, David Robinson, David Thompson, Elgin Baylor, Bryant, Donovan Mitchell, Devin Booker at Damian Lillard.
“It feels good,” sabi ni Embiid. “I was hot and they just gave me the ball and made sure they put me in the best positions. Credit to the coaching staff too – I’m just surrounded by amazing people.”
Nagdagdag si Tyrese Maxey ng 18 puntos para sa Sixers habang si Tobias Harris ay nagtapos na may 14 — ang tanging iba pang manlalaro ng Philadelphia na naka-double figures.
Sinabi ni Sixers coach Nick Nurse na ang 7-foot-2 na si Embiid na kumbinasyon ng laki at husay ay halos hindi na siya mapaglaro.
“He can score in so many ways,” sabi ni Nurse. “His sheer size gets him a lot of stuff around the basket and a lot of free throws. And his shooting touch is the skill that makes it extra hard to stop him. When he gets motivated like that, anything can happen.”
Si Wembanyama, ang No. 1 Draft pick mula sa France, ay gumawa ng isa sa kanyang pinakamahusay na pagganap sa season sa isang talo na pagsisikap para sa San Antonio, na nananatili sa ilalim ng Western Conference na may rekord na walong panalo at 35 pagkatalo.
Nagbigay ng papuri si Embiid sa Frenchman ngunit hindi sinabi kung ang pagharap sa mataas na rating na rookie ay nagbigay sa kanya ng karagdagang motibasyon.
“The big fella, he’s amazing, he’s great,” sabi ni Embiid sa naging laro ni Wembanyama. “In my opinion he’s already up there as one of the best players in the league. Obviously, a bright future.”
