Isang lalaki ang inaresto sa Bacolod City nang mahuli siyang nagnanakaw ng isang cologne sa isang grocery store at ang dahilan niya, ilang araw na umano siyang hindi naliligo kaya nagawa ang krimen.
Sa kuha ng CCTV ng grocery store, kita ang galit ng security guard na kinilalang si Milandro Diero dahil ini-sprayan siya sa mata ng suspek nang sitahin niya at ipabalik ang ninakaw.
Tumakbo pa raw ang suspek pero nahuli rin.
Ayon kay Diero, may dalawa pang kasama ang suspek at oras-oras umano kung magpunta sa tindahan.
Hindi umano iyon ang unang pagkakataon na nagnakaw ang suspek sa lugar.
Inaresto ng mga pulis ang suspek at aalamin kung may record na siya sa ibang lugar.
Nagpaalala naman ng mga otoridad sa mga tindahan na maglagay ng CCTV camera na kasama sa mga requirement sa pagkuha ng business permit.
