Tila nag-hard launch na ng kanyang bagong love life ang American singer at actress na si Selena Gomez.
Sa pinakabago kasi nitong Instagram post nitong Biyernes, makikita ang ilang litrato ng kanyang “favorite moments” sa New York ngayong linggo.
Unang-una sa post ang litrato nila ng best friend niyang si Taylor Swift na tila nasa isang intimate party. Sumunod dito ang isa group photo kung saan makikita siyang yakap ng kanyang umano’y boyfriend na American record producer na si Benny Blanco.
Sa huling litrato, makikita ang black and white picture nila na sweet na magkahalikan, dahilan para maging Instagram official na ang dalawa.
Nagkomento naman si Benny sa naturang post ng pineapple emoticon.
Nito lamang nakaraang linggo ng ibahagi ni Selena sa isa niyang Instagram story ang litrato ng kamay niyang may singsing at initial na “B,” dahilan upang lalong magsuspetya ang netizens na in a relationship na nga siya kay Benny.
Ayon sa ulat, anim na buwan nang palihim na nagde-date ang dalawa.
Ilan sa mga kantang ipinrdyus ni Benny para kay Selena ang Same Old Love (2015), Kill ‘Em With Kindess, (2015), I Can’t Get Enough (2019) at Single Soon (2023).
