Nasawi ang isang rider habang nasa kritikal na kondisyon naman ang isa pa matapos umanong magsalpukan ang minamaneho nilang motorsiklo sa Concepcion, Tarlac.
Base sa mga ulat, sinabing nagtamo ng mga sugat sa iba’t ibang parte ng katawan ang dalawang rider at ayon sa mga otoridad, madilim ang lugar na pinangyarihan ng aksidente sa Barangay Santa Maria.
Pareho umanong mabilis ang takbo ng dalawang motorsiklo.
“Base sa CCTV kasi mabilis yung parehas na motorcycle tapos yung isang motorcycle, walang ilaw at helmet (ang rider),” ayon kay Chester Cunanan, operation officer, Concepcion, DRRMO.
Kaya naman pinapayuhan nila ang mga motorista na maging maingat sa pagmamaneho lalo na ngayong holiday season.
