May ilang netizens ngayon ang nagsasabing “kasalanan” rin umano ni Michelle Dee kung bakit hindi niya nasungkit ang korona sa nakaraang Miss Universe 2023 na ginanap sa El Salvador.
Maraming naaliw sa viral na ngayong meme sa social media patungkol sa pagkatalo ni Michelle sa ginanap na grand coronation ng 72nd Miss Universe pageant sa El Salvador last Sunday.
Nakita kasi sa meme ang paninisi ng netizen sa dalaga sa pagkabigo nitong maiuwi sa bansa ang titulo at korona – wala raw kasi siyang “pagkukusa” at ayon sa gumawa ng meme, sana raw ay nanggulat na lang siya sa stage at kahit hindi tinawag ang pangalan niya sa Top 5 ay kusang-loob na siyang rumampa patungo sa gitna ng entablado.
“Ang problema kay Michelle Dee walang pagkukusa, gusto pa tawagin para pumunta sa unahan. Next time kahit di tawagin sa Top 5, pumunta pa rin sa harap. Magkusa na lang hindi yung inuutusan pa,” hirit ng netizen.
Naniniwala ang maraming pageant fans na sa halip na si Miss Thailand, mas deserving daw si Michelle na makapasok sa Top 5 finalists ng katatapos lang na pageant.
At kung sakaling nakapasok daw ang pambato ng Pilipinas sa Top 5 ay siguradong lalamunin nang buhay ni Michelle ang kanyang mga kalaban lalo na sa Q&A segment.
Sa isang panayam kay Michelle tanggap naman niya ang kanyang pagkatalo at talaga raw “destiny” ni Miss Nicaragua Sheynnis Palacios ang makuha ang korona at titulo.
