Inanunsyo ng Philippine Charity Sweepstakes Office na napanalunan na umano ng isang mananaya ang P102,254,379.40 jackpot prize sa Lotto 6/42 draw nitong Sabado, November 4, 2023.
Sa website ng Philippine Charity Sweepstakes Office, nakasaad na ang lumabas na kombinasyon ng mga numero ay 07-34-11-26-05-06.
Sa Facebook page ng PCSO, nakasaad na may 69 na mananaya ang nanalo ng second prize na may premyong P24,000.00.
Wala namang tumama sa kasabay nitong draw na Grand Lotto 6/55 na may premyong P97,451,197.20.
Wala ring nanalo sa nakaraang mga major draw na mahigit P90 milyon ang premyo.
