Kumalat kahapon sa social media ang mga larawan ng mga senador na kasama si Jey Rence Quilario, o “Senior Agila,” ang leader umano’y kultong Socorro Bayanihan Services, Inc. (SBSI) na nakabase sa bayan ng Socorro sa Surigao del Norte.
Kabilang sa mga senador na nagpakuha magkakahiwalay na larawan kasama si Quilarion sa unang pagdalo niya sa Senate hearing ay sina Sens. Imee Marcos, Robinhood Padilla, Bong Revilla at Ronald “Bato” dela Rosa.
Sa ikalawang pagdalo niya sa pagdinig ng Senado kaugnay sa umano;y operasyon ng isang shabu laboratory sa lalawigan, umano’y systematic rape, sexual abuse, trafficking, forced labor, at child marriage na kinasasangkutan ng kanyang grupo, ipinakulong siya nina Dela Rosa at Sen. Risa Hontiveros bunsod ng contempt dahil sa pagsisinungaling.
