Reunited si Pia Wurtzbach sa dati niyang pageant rival, Miss Colombia Ariadna Gutierrez, matapos ang walong taon.
Sabay na rumampa ang dalawa sa Paris, France kamakailan, base na rin sa ipinaskil na larawan ni Pia sa Instagra,
“The reunion you’ve all been waiting for,” sabi Pia.
Sabay na lumahok sina Pia at Ariadna sa Miss Universe 2015 pageant.
Matatandaang nagkamali ang host na si Steve Harvey nang inanunsyo na si Ariadna ang nagwagi.
Agad naman niyang binawi ito at humingi ng paumanhin kay Pia na pinutungan ng korona bilang Miss Universe.
Sa mga naunang panayam ay inamin ni Ariadna na wala siyang sama ng loob kay Pia.
Matapos ang pageant, parehong nagpatuloy sina Pia at Ariadna sa kanilang karera sa fashion, film, at television.
