Kinailangang makipagunahan ng Blackwater sa Rain or Shine sa pagkuha kay Christian David, isang US NCAA Division 1 player na naglaro sa Butler University.
Pangalawa sa pipili ang Bossing habang pangatlo at pangapat naman ang Elasto Painters, pero sapat na ito para masikwat ng Evr Bilena franchise ang serbisyo ni David, isang 6-foot-6 versatile player.
“I really believe that he’s going to be a game-changer,” ang sabi ni Bossing coach Jeff Cariaso. “He has the pedigree, he has the experience and he came from a very good college with a great basketball program.”
“It’s really difficult to pass on him and he’s going to come in really good not just for our team, but also for the league in general.”
Inamin ni Guiao na gusto nila si David.
Bukod sa Blackwater, nakiensayo rin sa Rain or Shine si David at hindi maging mahirap para sa beteranong coach na makumbinsi na siya ang kailangan ng koponan.
Pero hindi pinalad ang Elasto Painters kung saan nagawa nilang maging kuntento na lang sa pagkuha sa dalawang malalaking players na sina 6-foot-7 Luis Villegas at 6-foot-8 Keith Datu na kanilang kinuha bilang No.3 at NO.4 selections.
“They beat us in getting David, so we opted for the best big men in the draft, which we believe are good picks for us,” dagdag pa ni Guiao.
Para naman kay Cariaso, may malaking dahilan sila para kuhain si David bagama’t hindi ito nakasama sa Draft Combine at mapanood ng ibang koponan.
Gaya ni David, dati ring first round pick si Cariaso noong ito ay naglalaro pa, pero mas malaki ang potential na nakikita gn coach sa bago niyang player.
“Everyone knows about him,” sabi ni Cariaso. “Obviously, he’s a good shooter. Offensively, he’s really gifted. But what we like him the most is his versatility. Even at 6-foot-6, he can play 1, 2 or 3, so that’s something I’m really excited about.”
“Compared to my situation before with Alaska, Christian is going to have an opportunity of playing right away. So, I think he’s capable and good enough to play right away, and we’re excited he’s happy with us.”
