Tila itinakda ng tadhana ang pagkikita nina Atom (Dennis Trillo) at Stella (Bea Alonzo) sa pilot episode ng “Love Before Sunrise” teleserye sa GMA noong Lunes, na nagpakilig ng husto sa kanilang fans.
Na-love at first sight si Atom kay Stella matapos niyang ialok ang kanyang upuan sa kanya sa bus.
Habang kausap ang kanyang kaibigan sa phone, hiniling ni Atom na sana’y magkaroon siya ng sariling shooting star ngunit paglingon niya’y nakita ang tattoo sa likod ng tenga ni Stella ay isang shooting star.
Ilang beses silang nagkita muli, at sa isang pagkakataon ay nagsukob pa sa isang payong habang naglalakad na bumubuhos ang malakas na ulan, isang eksena na lalong nagpakilig sa mga manonood.
Mapapanood ang “Love Before Sunrise” mula Lunes hanggang Biyernes sa GMA Telebabad ganap na 8:50 p.m. pagkatapos ng “Maging Sino Ka Man.”
Kasama sa teleserye sina Andrea Torres, Sid Lucero, Vaness del Moral, Sef Cadayona, Jackie Lou Blanco, Rodjun Cruz, Vince Maristela, at iba pa.
Ang “Love Before Sunrise” ay ang latest collaboration project ng GMA Network at Viu Philippines.
