Isang truck driver ang nasawi nang salpukin siya ng isang rumaragasang van habang tumatawid sa national highway sa Bagabag, Nueva Vizcaya.
Ayon sa pulisya, kita sa CCTV na nakaladkad at tumilapon ang lalaki sa lakas ng impact at kahit naisugod pa ito sa ospital, idineklarang dead on arrival ang biktima.
Base sa imbestigasyon, posibleng bibili lang sana ng pagkain ang lalaki nang maganap ang aksidente.
Hindi na magsasampa ng kaso ang pamilya ng biktima habang pumayag ang driver ng van na sasagutin niya ang gastusin sa burol at libing ng biktima.
