Kasali na ang seksing aktres na si Ivana Alawi sa ABS-CBN hit teleserye na “FPJ’s Ang Batang Quiapo” sa pagpasok nito sa bagong kabanata.
Sa teaser video, nakitang inaaliw ni Ivana ang nasugatang karakter ni Coco Martin na si Tanggol sa labas ng correctional facility.
Bukod kay Ivana, ang iba pang celebrities na pumasok sa show ay sina Vandolph Quizon, Soliman Cruz, Julio Diaz, Robert Sena at Jaclyn Jose.
Noong Hulyo 2023, pinabulaanan ni Ivana ang tsismis na kasali siya sa cast ng “FPJ’s Batang Quiapo.”
Sinagot ng aktres ang tsismis sa kanyang contract renewal sa ABS-CBN. Magkakaroon daw siya ng teleserye at pelikula, pero hindi kasama ang nightly show sa mga project niya for this year.
“Parang hindi ‘yan na-mention sa akin. Iba po ‘yung nakalatag for me,” sabi niya.
“We are doing teleserye this year and mayroon ding mga movies. So ‘yun maraming exciting na projects na parating,” dagdag niya.
Nang tanungin kung obligado ba siya sakaling makakuha siya ng alok na gawin ang teleserye, sinabi ni Ivana na mas handa siyang tanggapin ito.
“Oo naman. Pinapanood ko,” sabi ng sexy actress.
