Sinagot na ng aktres na si Yassi Pressman ang mga bali-balitang may relasyon sila ng Camarines Sur Governor na si Luigi Villafuerte.
Ayon sa aktres sa isang panayam sa news program ng GMA na 24 Oras noong ika-24 ng Agosto, 10 taon na sila magkakilala at kasalukuyan silang nasa ‘getting to know stage’ ng governor.
“We’re just spending more time together and getting to know each other more,” paliwanag ng aktres.
Nagkuwento rin si Pressman tungkol sa hiwalayan nila ng businessman na si Jon Semira noong 16 Agosto.
Paliwanag niya, mas gusto nilang dalawa na manatiling pribado ang mga detalye ng kanilang relasyon.
Kasalukuyang nagte-taping si Pressman para sa upcoming action series na Black Rider kasama ang aktor na si Ruru Madrid.
