Pumalo na sa isang milyon views ang video reel ni Voltes V: Legacy star Liezel Lopez sa Dyaryo Tirada Facebook page kaugnay sa kanyang pagdalo sa GMA Gala Night kamakailan.
Noong 26 Hulyo 2023 ipinaskil ito ganap na alas-9:58 ng umaga at patuloy ang pagtaas nito hanggang sa isinusulat ang balitang ito.
Ang FB reel ay kuha ng cameraman ng Dyaryo Tirada na si Larry Cruz gamit ang cell phone ng kanyang anak.
Suot ng aktres ang pink gown na gawa ni Michael Leyva at diamond accessories.
Napalingon ang lahat nang dumating si Lopez sa The Marriott Grand Ballroom sa Pasay City kasama ang co-star na si Martin del Rosario.
Bagama’t kontrabida ang papel ni Lopez sa Voltes V: Legacy, marami ang hindi nakakaalam na mahilig siya sa pusa.
Dati na siyang itinampok sa ilang popular na teleserye gaya ng Babawiin Ko ang Lahat, isang 2021 TV series at Return to Paradise, ipinalabas noong 2022.
