Naghahanda na ang lokal na pamahalaan ng Marikina nang isasampang kaso laban sa isang drone systems operator at provider matapos nitong ipakita ang Philippine Flag na baliktad ang kulay sa closing ceremony ng Palarong Pambansa kahapon.
Una nang umalma ang lokal na pamahalaan ng Marikina City sa naging kapalpakan ng drone provider na Drone Tech.
Kinondena ni Marikina Mayor Marcelino Teodoro ang insidente at pinakakasuhan ang Dronetech at nais rin ng alcalde na malaman ang mga legal na pananagutan ng kumpanya kasama na rin ang mga kalakip na kaparusahan at multa.
Naglabas na rin ng public apology ang nasabing drone systems operator at provider.
“We would like to clarify that this error in the Drone Show programming which was supposed to be tested days before could have been noticed and corrected [but] was not successfully done due to severe weather conditions and signal interference on the said area for several nights,” saad ng grupo sa isang pahayag.
