Inamin ng aktres na si Coleen Garcia na talagang feeling “awkward” at “weird” para sa kanya ang pakikipaghalikan at paggawa ng love scene sa serye at pelikula lalo na kung first time lang niyang makakatrabaho ang kanyang co-star.
Pero kahit pa ayaw nang magpa-sexy o gumawa ng love scenes sa kanyang mga acting projects, sinabi ng aktres na hindi pa rin ito maiiwasan.
Si Coleen ang bida sa six-part original series na “Kung Hindi Lang Tayo Sumuko” kasama si Carlo Aquino na mapapanood sa Viva One streaming site simula sa 21 August at kasama rito sina Ryza Cenon, Jerome Ponce, Kiko Estrada at Rhen Escaño.
Ayon kay Coleen, may ilang intimate scenes silang ginawa ni Carlo pero hindi naman daw ito malala tulad ng mga ginawa niya sa kanyang past projects.
“Ako kasi, iniiwasan ko na, di ba? Sinabi ko naman sa mga interviews na ayoko masyadong magpaka-sexy because I wanted a change of direction also in my career. It’s not because nag asawa ako or may anak ako. And it’s not something that I look forward to. In fact, it’s something that I dread kasi kinakabahan ako, ‘Sana maging okay. Sana hindi maging awkward.’ It’s awkward,” sabi ng aktres.
“If you guys can imagine, like imagine, nag-uusap lang kayo ng co-star mo tapos maya-maya kailangan mo siya i-kiss. Di ba, sobrang weird? It’s not natural,” dagdag pa niya.
Pero kung kailangan naman daw talaga sa istorya, gagawin pa rin niya ito bilang bahagi ng kanyang trabaho.
“Ang selfish ko naman kung yung story yung mag-a-adjust para sa akin, or ang corny ko naman din kung hindi ako mag-a-accept ng project just because may iisang eksena na ganito. So it comes with the job as an actor, to be open to scenes like that. Kasi that’s not even the hardest scene that I have to do,” saad ng aktres.
“Ang daming talagang emotionally taxing scenes na mas mahirap diyan, di ba? So, ano naman yung gagawin ko yan as long as my partner is respectful of my boundaries, then it’s okay,” dagdag pa niya.
Nagpasalamat din siya sa asawang si Billy Crawford dahil 100 percent pa rin ang suporta nito sa pagbabalik niya sa acting pero inamin niya na hangga’t maaari ay hindi na niya ikinukuwento sa aktor at TV host ang tungkol sa mga ginawa niyang intimate scenes.
“Actually, hindi ko siya pinaalam. Kinuwento ko siya, nangyari na, tapos na. Kasi he knows naman what to expect, nagawa ko naman na in the past movies. So, it’s not gonna help him if we talk about it. Baka lalo lang siya ma-affect. Kasi I’d be lying if I say na hindi siya affected. And sinabi niya rin sa akin yun na, ‘I’d be lying na hindi ako somehow affected when you do that,’” sabi ng aktres.
