Gumawa ng kasaysayan ang Bago City softball girls team matapos dominahin ang 2023 Junior League Softball World Series matapos walisin ang MIlford, Connecticut, 3-0, kamakailan lamang sa Kirkland, Washington.
Matagumpay ang naging kampanya ng mga softbelles na mula sa Bogo City, kung saan nagawa nilang ipanalo ang lahat sa pitong laro nila rito.
Tinalo nila ang mga teams na nanggaling sa West, Central, Southeast, Southwest, at Washington District 9.
Ang Bogo City ang ikalawang team nag-kampeon sa Junior League Softball Series habang bitbit ang bandera ng Pilipinas.
Matagumpay man ang Bogo City, hindi naman pinalad ang ating mga pambato sa Seniors League kung saan ang Negros Occidental ang siyang sumalang.
Dating kampeon sa Asia Pacific ang naturang koponan pero hindi naging maswerte sa kanilang kampanya ngayong taon.
