Nakabibingi ang katahimikan ni Vice Ganda sa gulong kinasangkutan ng kanyang alagang si Awra Briguela.
“Awra is being managed by Vice Ganda. Siya ang manager ni Awra pero surprisingly, as Awra’s career planner, wala kang official statement, Sis,” ayon kay The Diva That You Love Alwin Ignacio sa D’TT Show sa Dyaryo Tirada You Tube channel at Facebook page kasama si Showbiz Ultra Maldita Alex Brosas kahapon.
“Bakit parang Distansya Amiga ako bigla eh talent mo (Vice Ganda) ‘to, kumikita ka rito kahit papano? Wala kang sinasabi kahit na ano,” giit ni Alwin.
Kahit sabihin aniya na inayos privately ni Vice ang lahat para makalaya si Awra, ang punto rito ay bilang manager, dapat ay naglabas ng official statement ang comedian-host.
“Talent mo ‘yan eh, in a way, hindi lang magulang ang may kargo riyan. Kargo mo rin,” ani Alwin.
Alam naman ni Alwin na hindi kinukunsiti ni Vice si Awra pero ‘he has to say something in public bilang manager nya.’
Kung kailan babasagin ni Vice ang kanyang pananahimik, abangan na lang natin.
