PASOK na sa 2024 Paris Olympics si Pinoy pole vaulter EJ Obiena makaraang manalo sa laban niya sa BAUHAUS-Galan leg ng Diamond League na ginanap sa Stockholm, Sweden.
Naging ticket niya sa pagpasok sa Paris Olympics nang masungkit niya ang 5.82 meters na clearance.
Target ni Obiena na pagbutihin ang kaniyang performance noong 2021 Tokyo Olympics na nagtapos lamang siya ng pang – 11 sa pole vault finals.
Makaraang maidepensa niya ang gold medal sa Southeast Asian Games sa Cambodia noong Mayo ay sinundan ito nang pagkamit niya ng 6.0-meter mark clearance kaya’t kasama na siya sa elite-six meter club sa pole vault.
