NABULABOG ang online world sa inilunsad kahapon na showbiz talk show ng Dyaryo Tirada na D’TT Show, Tarayan at Talakayan Showbiz Edition na mapapanood sa Facebook at You Tube channel ng pahayagan tuwing Sabado at Linggo alas-kuwatro ng hapon.
Nayanig ang netizens sa mga pasabog ng mga host ng programa na sina Showbiz Ultimate Maldita Alex Brosas at The Diva That You Love Alwin Ignacio Ibinunyag ni Brosas na hindi matatawaran ang pagiging galanteng lover ng aktres na si Kris Aquino.
Isang bonggang birthday party pala sa Quirino Grandstand with matching luxury car ang inihanda ni Kris para kay Joey Marquez ngunit naunsyami dahil naghiwalay na sila.
Habang si Ricci Rivero pala’y napilitan isapubliko ang paghihiwalay nila ng aktres na si Andrea Brillantes dahil na-bash ang mga magulang ng basketball player.
Si Herlene Budol naman aniya ay “brainless” kaya’t wala ni isang porsiyentong tsansang maging title holder kaya hindi na dapat I-push ito ng kanyang manager na sumali sa beuty pageant.
Inokray rin ng tambalan ang aktres at Quezon City Councilor Aiko Melendez sa pagsasayaw sa loob ng Session Hall ng siyudad.
Dapat anila ay may respeto sa mga lugar lalo na’t may nakasabit na Philippine flag doon at halal na opisyal pa naman ang aktres.
