Tinamaan ng coronavirus disease ang aktres na si Maris Racal at ibinahagi niya ito sa kanyang social media post.
Ayon sa dalaga, pinaghahandaan niya ang kanyang virtual meeting dahil naglabas siya ng bagong music video para sa kantang “Carelessly.”
“Hindi nakakatuwa,” sabi ng aktres habang ipinapakita ang COVID-19 test kit na may positive result. “I’m on my day 3 of quarantine and medyo nalulungkot na ako.”
“Wala talaga akong interaction sa mga tao physically kaya bumabalik ako sa TikTok,” sabi ng dalaga.
Dahil sa balita ni Maris, maraming fans ang nagpaabot ng “well wishes” sa kanya
Kung matatandaan, tinamaan din ng nasabing virus ang ilang celebrities kagaya nina Saab Magalona, Luis Manzano at Aiko Melendez.
Magugunitang base sa report ng OCTA Research, patuloy na tumataas sa ating bansa, partikular na sa Metro Manila ang naitatalang “positivity rate” o ‘yung bilang ng mga taong nahahawaan ng sakit.
‘Yan ay sa kabila ng anunsyo ng World Health Organization (WHO) na hindi na nila itinuturing na “public health emergency” ang COVID-19.
