Hindi na nakapagtimpi ang TV host-comedienne at singer na si Ethel Booba at inilabas na niya ang kanyang sama ng loob laban sa isang game show na ayon sa kanya paulit-ulit siyang ibinu-book para sa guesting niya pero palagi namang hindi natutuloy.
Sa kanyang social media post, nag-rant ang komedyana sa mga nag-iinvite sa kanyang game show.
“Pabook kayo nang pabook ng sked ng taping! Tapos ireresked nyo! Alam n’yong hindi kami available sa date na gusto n’yong taping!!!” sabi ni Ethel. “Nakailang plane tiket na kami kabibili ng tiket! Hindi nyo naman nirerefund. NAKAKALOKA kayo! Itigil nyo na yang game show n’yo!”
Hindi naman binanggit ng komedyana ang game show na tinutukoy niya kaya naman kanya-kanyang hula ang reaksyon ang kanyang mga FB followers.
