Aminado ang aktres na si Valerie Concepcion na masaya pa rin siya sa kanyang buhay may-asawa kahit pa nasa malayo ang kanyang kabiyak na si Francis Sunga na naka-base sa Guam at dahil college graduate na ang anak niyang si Heather.
“We just celebrated our 6th anniversary last January. Palitan kami ng pagbisita, ako sa Guam, siya naman, dito and it works. We always miss each other. I never really expected that I’d still find Mr. Right and be happily married. At that time, ayoko na talagang makipagrelasyon kahit kanino kasi happy na naman ako sa buhay ko with my career and my daughter,” saad ni Valerie.
“But when a friend introduced me to Francis, we had an instant connection. Talking to him, I felt like we’ve known each other for a long time. So when he proposed to me, I said yes, and now, six years later, we’re still so in love with each other,” sabi pa ng aktres.
Hindi rin daw problema kung long-distance relationship ang kanilang status ngayon.
“Thanks to modern technology we can always do Facetime with each other. Araw-araw yan. Importante yung pagkakaroon ng constant and open communication everyday in any relationship. We always have time to listen to each other’s everyday stories,” sabi pa ni Valerie.
Sa ngayon ay balik-kontrabida na naman ang Kapuso actress na si Valerie Concepcion sa pinakabagong GMA Afternoon Prime na “The Seed of Love.”
“Sobrang maiinis sa akin ang viewers dito sa ‘The Seed of Love’ sa role ko as the scheming Alexa, a successful doctor. Obsessed ako rito kay Mike Tan as Bobby na naging boyfriend ako. Pero very demanding ako so he left me at hindi ko ma-accept na magpapakasal na siya kay Glaiza de Castro as Eileen, kaya nilasing ko siya so we can sleep together. Tapos, pinanakaw ko pa kay Boy2 Quizon yung sperm cells niya na stored sa laboratory to make sure magkakaanak ako sa kanya. I will really do everything para maagaw ko siya from Glaiza,” kuwento ni Valerie.
