Kalat na kalat na ngayon sa social media na mukhang may boyfriend na ang aktres na si Cristine Reyes sa katauhan ng aktor na si Marco Gumabao makaraang ilahad ng binata sa kanyang post ang kanilang relasyon.
Kung matatandaan, ilang beses nang nakita ang dalawa na magkasama bagamat hindi nila inaamin na mayroon nang namamagitan sa kanilang dalawa ni Cristine.
Sa pamamagitan ng kanyang Instagram at Facebook account, tila ipinagsigawan na nina Cristine at Marco sa buong mundo ang tunay na estado ng kanilang relasyon at makikita sa IG at FB ni Marco ang mga sweet photos nila ni Cristine na kuha sa ilang lugar na kanilang binisita nitong mga nagdaang buwan.
Ang short caption ni Marco sa kanyang IG post, “You are my home and my adventure all at once (heart, face blowing a kiss emojis).”
Ang tanging reply lang ni Cristine sa mensahe ni Marco ay face with hand over mouth, face blowing a kiss, smiling face with heart eyes, heart at praying hands emoji.
Sa unang picture, makikita si Marco na hinahalikan si Cristine sa pisngi habang sila’y nasa buhanginan ng isang beach resort.
Sa isa pang litrato, holding hands while walking (HHWW) pa ang dalawa habang tumatawid ng kalsada.
May photo pang ibinahagi si Marco na parang Instapic na nakadikit sa refrigerator kung saan may nakasulat na “HA HA HA (smiling emoji) LOVE YOU!”
