Makikita ngayon sa latest vlog ng aktres na si Ivana Alawi na talagang sikat na sikat siya sa mga kababayan natin sa ibang bansa at bilang patunay, talagang pinagkaguluhan ang dalaga nang bumisita siya sa Paris, France.
Sa kanyang vlog, makikita na habang namamasyal si Ivana sa sikat na tourist spot ng Paris, ang “Eiffel Tower,” ay marami pa rin ang nagpapa-picture sa kanya.
Pero aminado ang dalaga na dream destination ng kanyang ina ang Paris kaya talaga namang tuwang-tuwa ito nang isama siya ni Ivana sa nasabing lugar kasama bunsong kapatid ni Ivana na si Mona.
“Alam mo, sana everyone magkaroon ng chance na makapunta dito. Kakaiba siya talaga. Ang ganda!” sabi ng ina ni Ivana.
“Ever since kahit dati, dream talaga ni mama na makita ‘yung Eiffel Tower,” sabi naman ng dalaga.
Bukod din sa mga mga restaurant at cafe ay binisita rin ng mag-iina ang Louvre Museum, ang national art museum ng Paris.
Maraming netizens ang napa-comment sa nasabing video at napa-sana all sa naging getaway ng tatlo.
