Nitong nakaraan ay nagpasabog na naman ng good vibes sina Barbie Forteza at Jak Roberto sa social media at talaga namang aliw na aliw ang kanilang mga tagahanga lalo na sa palitan ng mensahe ng dalawa na nagsimula sa bagong sexy photo ni Jak na pinagpiyestahan ng mga netizens.
Bentang-benta ang pagpe-flex ni Jak ng kanyang muscled body with his 6-pack abs sa kanyang Instagram account na pinusuan at ni-like nang bonggang-bongga ng kanyang followers.
Makikitang walang suot na damit ang boyfriend ni Barbie kaya bilad na bilad ang hubad niyang katawan at ang nagmumura niyang mga “pandesal”. Pero may suot naman siyang shorts na kulay brown.
Sa comments section, pabirong sinita ni Barbie ang Kapuso hunk, “Bibilhan kita ng shorts ha. Kota na ‘yan e!”
Hirit naman ni Jak sa kanya, “Kakalaba lang kaya yan ang nakuha.”
Umani naman ng nakakaaliw at nakakalokang comments ang palitan ng hugot line ng JakBie. Anila, nakaka-happy at nakaka-good vibes
May mga nag-suggest naman na sa susunod na proyekto ni Barbie kasama ang leading man niya sa “Maria Clara at Ibarra” na si David Licauco ay isama na rin si Jak para “magkaalaman” na.
