Sinubukan na rin ng TikTok star na si Queenee Mercado ang pag-arte matapos niyang makatambal ang rising actor na si Joao Constancia sa bagong music video na “Kalangitan” ng OPM alt-rock band na Nobita.
Mapapanood sa video ang kakaibang love story ng dalawa na kung saan ay madalas ma-bully sa eskwelahan si Queenee, habang si Joao ay tila isang imaginary “special friend” ng TikTok star na laging nandyan sa kanyang tabi.
Nitong March 3 lang inilabas ang kantang “Kalangitan” under Sony Music Entertainment na tungkol sa isang relasyon na patuloy pa ring nagsasama sa hirap o ginhawa man ng buhay.
“Just when you think that you have reached rock bottom, remember that there is always someone with you who will help you reach for the heavens,” saad sa inilabas na pahayag ng Nobita.
Ayon pa sa banda, nais pa nilang gumawa ng hugot song na tulad ng bago nilang kanta.
“With an arrangement that stays true to our sound and a melody that transcends emotions, this is the type of material that we’d love to explore over and over,” sabi ng banda.
“Dredging up emotions to the surface and turning them into a song that everyone loves are both gifts that we’re honored to share with our fans. We’re just trying to keep it simple and straightforward, hence, palatable to the general audience.”
