Isa lamang ang paninindigan ng aktres at beauty queen na si Megan Young kung sakaling magloko, magtaksil at magkaroon ng other woman ang asawang si Mikael Daez.
“Goodbye agad!” ang sabi ni Megan sa “Fast Talk with Boy Abunda”.
Siyempre, isa sa mga napag-usapan sa nasabing episode ng “FTWBA” ay ang married life nina Megan at Mikael na halos apat na taon na ngayong nagsasama bilang mag-asawa.
Nang matanong kung ano ang kanilang mga panuntunan sa kanilang pagsasama, sinabi ni Megan na cheating ang pinaka-ayaw niya.
“My non-negotiable is no cheating. If ever na mag-cheat ka then wala na ‘yung relationship,” sabi ni Megan. “Goodbye! Parang ‘yun ‘yung non-negotiable ko pero I mean I haven’t thought about our non-negotiable for a very long time.”
Para naman kay Mikael ang kanyang “non-negotiable” ay, “I think semantics ‘to na Megan ‘yung non-negotiable is a strong word for you I’m sure.
“For me, non-negotiable it’s a core of our relationship. Parang ‘yun yung foundation, na this is where our relationship is built,” katwiran ng aktor.
“Para sa akin ang non-negotiable two things lang ‘yun. First, complete honesty, very similar to what you said open communication, absolute complete honesty and it doesn’t have to be instant but we also have to continue to build towards that.
“‘Yung pangalawa doon, is you (Megan) need to be able to take care of yourself,” dugtong pa ni Mikael.
Nang matanong kung mapapatawad at mabibigyan pa ba niya ng second chance si Mikael kung umamin naman ito sa nagawang kasalanan, hindi ang sagot ni Megan.
“No, kasi paano nangyari in the first place? Parang marami bang instances bago ka nag-cheat perse that lead up to that. So sa una pa lang hindi siya naging honest, so na-break na ‘yung pinaka-core which is ‘yung honesty. Yes naging honest at that point na nag-confess ka pero bago pa ‘yun, dishonest ka,” sabi ni Megan.
