Kumakalat ngayon sa social media ang isang video clip ng aktres na si Kylie Padilla kung saan sinagot nito ang tanong kung masaya ba talaga siya sa relasyon ng dating asawang si Aljur Abrenica kay AJ Raval.
Ayon sa aktres, nagsasawa na siya na marinig ang paulit-ulit na isyu at masaya na siya sa bagong buhay na tinatahak niya.
“Sa totoo lang guys, pagod na pagod na ako sa kuwentong lumabas na ‘kabit’ ganyan, ganito ganyan. Guys, tapos na ang kuwento. I mean, [this is] my new chapter of my life,” saad ng aktres.
“Ayoko na pong nakikita ‘yung pangalan ko… kasi I’m working so hard to have a good career, na maganda ‘yung trabaho ko, tapos ‘yun lang ‘yung napapansin sa akin,” dagdag niya.
Sabi pa ni Kylie, bagamat hindi pa rapos ang pagpoproseso ng mga mga papeles para mapawalang bisa ang kanilang kasal ni Aljur ay tapos na ang kwento nilang dalawa.
“Kung mayroon mang magtanong ngayon, I will answer but that’s the last time I will talk about this kasi happy na po ako. I am really happy po… kasi kapag mahal n’yo po ‘yung isang tao ayaw n’yo pong makitang malungkot ‘yung taong ‘yun. And after po noong nangyari sa amin, after nung pandemic, ayoko na po ever maramdaman namin ‘yun, and siya din,” sabi ni Kylie.
“So kung saan siya at kung sino man ang nagpapasaya sa kaniya, I want them to take care of it and be happy. Siya po ang kahati ko sa mga anak ko so dapat masaya rin ‘yung tatay nila para buo ‘yung mga anak ko,” dagdag niya.
Ayon pa kay Kylie, masaya na rin naman siya sa kanyang buhay dahil maganda ang mga nangyayari sa kanya at sa career niya.
Muli naman niyang nilinaw na hindi si AJ ang rason ng kanilang paghihiwalay.
“Sana hindi ako pagalitan ng GMA. Hindi po talaga si AJ ‘yung reason and that’s the truth. Hindi po talaga siya. At kung mayroon man po, hindi po siya. So please, naaawa na rin po ako sa kanya. As someone that struggles with mental health issues, ang hirap po nang gigising ka sa umaga tapos puro hate ‘yung makikita mo. Please guys, woman to woman na, hindi ako ok. It makes me emotional too. Tigilan na po natin,” sabi ni Kylie.
