Aminado ang aktor na si KD Estrada na itinuturing niyang best partner ang ka-loveteam niyang si Alexa Ilacad at nitong nakaraan lamang ay talagang naging trending ang short but super sweet message ng Kapamilya young actor para sa celebration ng birthday ni Alexa.
Sa kanyang IG, nagbahagi si KD ng litrato ni Alexa na may hawak na bouquet of flowers.
“To the best partner anyone could ever ask for. Happy bday,” sabi sa caption.
Kasunod nito, nag-post din ang binata sa IG ng ilang sweet photos nila ng kanyang leading lady na may mensaheng, “I’ll stop the world and melt with you.”
Siyempre, kanya-kanyang post ng kanilang reaksyon ang mga KDLex fans na kilig na kilig nga sa birthday message ni KD para sa dalaga.
Sa panayam kamakailan ng “Magandang Buhay,” sinabi ng magka-loveteam na utang nila sa kanilang mga loyal supporters ang tagumpay ng kanilangvon-screen team up.
In fairness naman kasi sa dalawang Kapamilya stars, talagang matagal-tagal din silang naghintay bago nakamit ang bonggang break na tinatamasa nila ngayon sa entertainment industry bilang isa sa mga promising youngstars ng ABS-CBN.
“Never kong naisip na darating ako dito sa puntong ito ng career ko. I remember nung nasa Sta Magic ako, pinapangarap ko lang na pumunta dito sa ‘Magandang Buhay.’ Mag-guest sa ‘ASAP.’ Magkaroon ako ng leading roles. Now I’m here,” sabi ni KD.
Para naman kay Alexa, itinuturing naman niyang “bonus” sa kanyang patuloy na gumagandang career si KD.
“Very fulfilling kasi alam kong matagal ko itong hinintay. Hanggang ngayon, araw-araw pa rin akong nagte-thank you. Hindi naman sa hindi ako kuntento pero I am hungry for more as well,” sabi ng dalaga.
