May mga kumakalat ngayong mga alingasngas na naiinvolve daw ang aktres na si Ivana Alawi kay Bacolod City Mayor Albee Benitez lalo na at may mga naging pahayag noong nakaraan ang dalaga na mayroon nang nagpapasaya sa kanya.
Sa isang episode ng “Ogie Diaz Showbiz Update” YouTube channel, pinag-usapan ang pagli-link kina Ivana at Mayor Albee matapos kumalat ang chikang spotted umano sila sa Japan.
Bukod dito, may tsismis din na naispatan ang dalawa na nag-iikot sa Baguio pero hanggang ngayon ay hindi pa sila naglalabas ng official statement sa publiko.
Pahayag ni Ogie, kailangan daw linawin agad ni Ivana ang tsismis sa kanila ng kontrobersyal na politiko para hindi na lumala pa at mapag-isipan ng mas matindi pang malisya.
“Mahirap namang husgahan natin si Ivana, so dapat si Ivana rin ang sumagot niyan, kung paano niya lilinawin ‘yan, ‘no. Kung siya nga ‘yung tinutukoy. Kung hindi naman siya, please disregard previous message,” saad ng talent manager.
Kasabay nito, usap-usapan din sa social media ang kontrobersya sa pagitan ni Mayor Albee at ng misis niyang si Nikki Benitez na ayon sa mga ulat ay hanggang ngayon ay magkasama pa rin daw ang mag-asawa sa isang bahay at wala pang kasiguruhan kung magpa-file sila ng annulment.
