Aminado ang aktres na si Andrea del Rosario na hindi niya umano gusto noon na maging sexy star subalit napasama siya sa “Viva Hot Babes” kung saan nakasama rin niya ang mga sexy sirens noon na sina Gwen Garci, Maui Taylor at Katya Santos.
Pero kahit daw ganoon ay hindi niya umano pinagsisihan ang naging takbo ng kanyang career dahil ito raw ang naging daan niya upang guminhawa ang buhay nila ng pamilya.
Sa isang panayam ng “Fast Talk,” kasama ang King of Talk na si Boy Abunda, natanong ang aktres kung gusto niya noon na ma-package bilang isang isang sexy star.
“Of course not,” sagot ni Andrea. “But my drive kasi at that time was to help my family. My drive to work was because of my family. Like what I said, nagkahiwalay po ‘yung mga magulang ko and then it was just my mom and then she had to take care of the four of us. So, ‘yun’’yung parang opportunity ko to somehow move forward in life.”
“Of course, siyempre parang kinondisyon ko na rin ‘yung mind ko to have the right kind of mindset na don’t regret any decision that I make. You just do it,’ and ‘yun that’s what I did,” dagdag pa niya.
“Of course, we are all given the freedom of choice, and at that time, I had to choose to survive. And that was the opportunity that was given to me somehow to move forward,” pagpapatuloy ni Andrea.
