Game na game pala itong si Xyriel Manabat na makagawa ng GL (Girls Love) project.
Yes, willing siyang makipaghalikan sa kanyang kapwa babae sa isang project.
Natanong si Xyriel kung willing siyang makipahalikan sa kapwa niya babae during the finale mediacon for Senior High.
“Ako po, opo. Sabi ko nga, kapag nag-aasaran kami nila Zaijian. Okay lang kaya magka-kissing scene (sa babae)? Tinatanong ako. ‘Yung sa amin ni Archie, wala po talagang dumikit doon. Clarification lang po,” say niya.
Ipinaliwanag ni Xyriel kung bakit mas gusto niyang makipaghalikan sa kapwa babae sa isang project.
“Feeling ko, kung mag-on cam kissing scene ako, gusto ko talaga sa babae kasi feeling ko mas komportable ako kapag ganoon. Feeling ko walang ilangan, less issue and less hassle. Experience siya, eh. Parang fulfilling po siya for an actress,” say niya.
Nang matanong kung sinong aktres ang gusto niyang makahalikan, hindi pa diretso ang naging tugon ng aktres.
“Open naman po ako for anything pero kasi dati, bago ako bumalik sa Dirty Linen may kaasaran po ako. Sabi ko, kapag ikaw pinormahan ko. Tapos kinakantahan ko po siya. Tinititigan ko siya sa mata. Kinikilig naman siya sa akin,” say niya.
“Basta, matalik ko siyang kaibigan. Tumatawa siya ngayon. Kinikilig siya ngayon. Naaaala niya kasi. Kasi gusto niya ‘yung ganoong role,” dagdag niya.
Later on, pumiyok si Andrea Brillantes.
“I mean, pansin ko lang kasi, there’s a lot of BL series now. Hindi pa po masyadong madami sa GL. If ever naman po, I will be comfortable doing it with my friend,” say ni Andrea.
Anyway, mabubulgar na ang lahat ng mga sikreto sa Senior High na tumabo na sa dalawang bilyong views sa TikTok, sa paglabas ng katotohanan sa pagpatay kay Luna (Andrea Brillantes) sa inaabangang “The Ender to Remember” finale sa Enero 19.
Pagkatapos ng matinding imbestigasyon, malalaman na rin sa wakas ni Sky (Andrea) mula kay Obet (Kyle Echarri) kung sino nga ba talaga ang pumatay sa kambal niyang si Luna.
Iigting naman lalo ang mga puso para makuha ang pagmamahal ni Sky dahil pag-aagawan siya nina Obet at Gino (Juan Karlos), ang dating mga nobyo ni Luna. Pero hindi lang sila ang magpapakilig sa viewers dahil itutuloy ni Archie (Elijah Canlas) ang panliligaw niya kay Roxy (Xyriel Manabat), habang may posibilidad ding magkabalikan sina Tim at Poch (Zaijian Jaranilla at Miggy Jimenez).
Dapat ding abangan ng mga manonood ang sunud-sunod na pasabog sa serye dahil tuluyan nang magwawala si Z (Daniela Stranner) sa Northford prom night dahil sa mga bangungot niya kay Luna. Maglalabasan na rin ang lahat ng mga baho nina Harry at William (Baron Geisler at Mon Confiado) na maaaring magdulot ng mas malaking sigalot sa pagitan ng kani-kanilang mga pamilya.
Kinabiliban ng madlang people ang panibagong hatid ng “It’s Showtime” sa pagpasok ng 2024 sa kakaiba nilang atake sa pinakamamahal na libangan ng mga Pilipino na karaoke sa “Karaokids” sa panghuhula ng hosts ng programa sa tamang titulo ng kantang inawit ng paboritong Batang Cute-Po na sina Argus, Jaze, Kulot, Imogen, at Kelsey.
Labis na na pinag-usapan at pinuri nga netizens ang panibagong segment ng “It’s Showtime” sa una nitong episodes dahil na rin overload na ka-cutean sa pagkanta ng Batang Cute Po kids at friendly competition ng hosts.
Sa unang round ng panibagong segment, pipili ang apat na pares ng “It’s Showtime” hosts na kanilang ‘Karaokid.’ Dalawang kanta ang mapakikinggan ng ‘karaokid’ sa kanilang headphones at kakantahin nila ito para huhulaan mga host. Ang pares na pinakamabilis na makahula ang dalawang kanta sa loob ng dalawang minuto ang pupunta sa jackpot round at magwawagi ng P10,000.
Samantala, sa jackpot round naman ay tatlong kanta ang dapat mahulaan ng pares ng “It’s Showtime” hosts sa loob ng dalawang minuto at may katumbas na premyo mula P5,000 hanggang P15,000. P50,000 ang jackpot prize na pwede nilang makuha kung sakaling mahulaan nila ang tatlong kanta.
Ang malilikom naman nilang cash prize ay ipamimigay nila sa pamamagitan ng ‘random act of kindness,’ kung saan lilibot ang isang “It’s Showtime” host para ibigay ang premyo sa mga madlang people sa kalsada.
Abangan sa mga susunod na episodes kung sino ang maswe-swerteng mapapamahigaan ng pa-premyo nila sa Karaokids pati na ang iba pang pasabog ng “It’s Showtime” sa madlang people.
