Hindi na nakapagpigil ang aktres at model na si Raffa Castro at sinupalpal ang isang netizen na nagkomentong mukha siyang “pornstar.”
Kamakailan kasi ay nag-post ang partner ni Joaquin Domagoso sa IG ng kanyang sexy mirror selfie suot ang kanyang flaming red bikini photo at ang tanging inilagay niya sa caption ay, “(gift emoji) could be yours.”
Matagal nang wala sa eksena si Raffa, ang huling balita sa kanya ay ang pag-amin nila ni Joaquin na meron na silang anak na pinangalanan nilang Scott Angelo Domagoso.
Sinundan ito ng pagdiriwang nila sa 1st birthday ni Scott kasabay ng binyagan nito sa St. Michael The Archangel Parish sa Taguig City.
Ngunit naging usap-usapan uli siya ngayon dahil sa pagresbak niya sa isang basher na nagkomento sa kanyang bikini photo.
Umani ito ng maraming likes at positibong comments mula sa mga netizens pero may isa ngang nagsabing, “Para kang porn star, sori po.”
Pambabasag naman sa kanya ni Raffa, “I wear a bikini & suddenly I’m a porn star? Pls most girls ik (I know) have more bikini pics than me but it’s scandalous when I do it…LMAOOO.”
