Naapektuhan ngayon ng bagyong Kabayan ang malaking bahagi ng Visayas at Mindanao at nakataas ang tropical cyclone wind signal number 1 sa ilang mga lugar sa mga nasabing rehiyon.
Sa Visayas, signal number 1 sa Southern Leyte, Leyte, Samar (Basey, Santa Rita, Marabut, Talalora, Villareal, Pinabacdao), Eastern Samar (Maydolong, City of Borongan, Quinapondan, Guiuan, Lawaan, Balangiga, Llorente, Giporlos, Salcedo, Balangkayan, General Macarthur, Hernani, Mercedes), Cebu kasama ang Camotes Islands, Bantayan Islands, Bohol, Siquijor.
Sa Mindanao naman, apektado ng bagyo ang Dinagat Islands, Surigao del Norte including Siargao – Bucas Grande Group, Surigao del Sur, Davao Oriental (Cateel, Boston, Baganga, Manay, Caraga), Agusan del Norte, Misamis Oriental, Camiguin, Bukidnon, Agusan del Sur, Davao de Oro, Misamis Occidental, Lanao del Norte, Lanao del Sur, Davao del Norte (Santo Tomas, New Corella, Braulio E. Dujali, City of Panabo, Asuncion, City of Tagum, Talaingod, Carmen, Kapalong, San Isidro), Davao del Sur (Davao City), Cotabato (Arakan, Carmen, Banisilan, Alamada, President Roxas, Kabacan, Matalam, Antipas, Magpet) at Maguindanao del Norte (Buldon, Barira, Matanog).
Huling namataan ang sentro ng bagyo sa layong 440 km sa silangan ng Davao City at taglay nito ang lakas ng hangin na 55 kph at may pagbugsong 70 kph malapit sa gitna. Kumikilos ang bagyo nang pakanluran sa mabagal na pag-usad.
