Mas maganda ng di-hamak si Francine Garcia sa tunay na babae kaya ang biruan sa umpukan, siya ang sampal sa mga kababaihang chaka, sabi nga ni Showbiz Ultra Maldita Alex Brosas.
Mula nagwagi sa timpalak na Super Sireyna ng Eat Bulaga, malayo na ang narating ni Francine.
Pero medyo halata na ang resulta ng siyensiya sa kanyang katawan at mukha mula manalo sa pamosong contest.
Sumikat din si Francine sa pagiging kamukha raw ni Heart Evangelista, sabi ng ilang tagahanga niya.
Sa gandang taglay ni Francine, hindi nakapagtatakang maraming kalalakihan ang nabihag ng kanyang alindog.
Isa na rito si Genesis Redido, ngunit walang naging pag-amin kung totoo ba o hindi na nagkaroon sila ng relasyon.
Kamakailan ay kumalat sa social media ang mga larawan nila ni Luis Christian Singson, umano’y paboritong anak ni dating Ilocos Sur ex-Gov. Chavit Singson.
Naka-two piece si Francine at half naked naman si Christian na kuha sa resort ng mga Singson sa Narvacan, Ilocos Sur.
Ang caption ni Francine sa larawan nila ni Christian, “Commitment is what transforms a promise into reality.”
Kuha raw ang larawan noong Mayo 2023 ngunit kamakailan lamang ipinaskil ni Francine.
Kahit wala pang tatak ang umano’y “relasyon” nila ni Luis Christian, sa Facebook account ng binata ay may nakalagay sa status niya na “in a relationship” noong Setyembre 1.
Kung tutuusin ang kulang na lang sa buhay ni Francine ay isang Ion Perez, lalaking ipagmamalaki sa mundo ang karelasyong transgender.
