Hindi pa rin nakakaalpas sa mga bashers ang sexy actress na si AJ Raval lalo ngayong naglabas ng social media post ang dalaga kasama ang kanyang BF na si Aljur Abrenica at mapapanood sa video ang pagsasaing ng kanin at pagluluto ng ulam ni AJ.
Sa huling bahagi ng clip ay biglang umapir si Aljur at niyakap mula sa likod ang kanyang girlfriend.
Hindi na ipinakita kung ano ang naging reaksyon ng sexy star sa ginawa ni Aljur dahil doon na pinutol ang video. Iba’t iba ang naging reaksyon ng netizens about this, may mga kinilig at natuwa pero marami rin ang nabwisit at nangnega sa magdyowa.
Sandamakmak naman ang mga naging komento ng mga netizens, at siyempre, hindi pa rin nawawala ang mga bashers ng dalaga dahil sa kanyang relasyon kay Aljur.
“Only in the Philippines where the mistress have the audacity to post pictures with the adulterer kahit na di pa divorced or annulled. Di takot makulong,” saad ng isang netizen.
