Kontrobersyal ang isang politician sa talas ng kanyang dila at opensibang mga hakbang upang igiit ang labag sa batas niyang diskarte sa kanyang nasasakupan.
“Huwag na tayong magtaka, may hindi kagandahang background si Madame kaya ganyan kagaspang ang pag-uugali,” sabi ng Mimosa sa Barangay na nanunulis ang nguso sa pagbibida sa umpukan.
Ito raw kasing malapit na kaanak ni Madame ay halos nakuba sa bigat ng tiket ng kabaret na kanyang kuwintas noong araw.
Kaya wala raw natutuhang kagandahang asal si Madame at sa simula ng kanyang karera ay sumabit sa kanyang amo.
Napaganda lang ang kanyang kapalaran nang sineryoso siya ng isang politiko.
Clue:
Si Madame ay ginawa raw libangan ang pag-iikot sa mga eskuwela.
‘Yun na!