Muling binuhay nina basketball player Ricci Rivero at Los Baños, Laguna councilor Leren Bautista ang namatay ng bali-balita na may umuusbong silang relasyon.
Isang netizen ang nagbahagi ng litrato ni Rivero at Bautista sa X (dating Twitter).
Makikita sa larawan na abala ang dalawa bumili ng mga stuffed toy sa loob ng isang mall.
May iba pang anggulo ng larawan ang nagviral sa internet na kinukuhanan naman ni Rivero ng litrato ang councilor.
Matatandaang bago makumpirma ang hiwalayan ni Rivero at aktres na si Andrea Brillantes, namataang magkasama ang dalawa sa ibinahaging Instagram story ni Bautista.
Di kalauna’y kinumpirma ni Rivero ang kanilang hiwalayan ni Brillantes at nilinaw na walang kinalaman ang councilor sa kanilang paghihiwalay.
