Panibagong babae na naman ang ibinida ng rapper na si Skusta Clee sa kaniyang Instagram story.
Sa ibinahaging larawan ng rapper, makikita na may kasama siyang babae sa swimming pool na si Francesca Taruc, isang aktres at tinaguriang Miss Tourism World Intercontinental 2019.
Nag-post din ang aktres ng selfie ng rapper at video na magkasama sila sa swimming pool.
Noon lamang Hunyo 2022 ay may ibinida rin na babae si Skusta Clee na si Aira Lipata sa kaniyang social media.
Matatandaan ang naging rebelasyon ng kaniyang dating nobya na si Zeinab Harake na ang rapper ay nambabae sa episode ng Toni Talks noong Mayo ng nakaraang taon.
