NANAWAGAN si Senate Minority leader Aquilino “Koko” Pimentel III sa ilang personalidad mula sa oposisyon na magparamdam at maging “vocal” sa mga isyung kinakaharap ng bansa.
Aminado si Pimentel na dadalawa lamang sila ni Sen. Risa Jontiveros sa minority sa Senado kaya’t kailangan nila ng ayuda mula sa labas ng Kongreso.
“We are a minority of 2 in the Senate. We really need help from the opposition outside of Senate and Congress. I hope that they will be vocal or be felt during this succeeding years,” sabi ng senador sa The Chiefs sa One News kamakalawa.
Iginiit niya na hindi naman kailangan puwersahin ang kanilang mga sarili basta makakontra lang ngunit ang usapin hinggil sa Maharlika Investment Fund ay dapat lang na salungatin.
“My point is we do not force ourselves to oppose just because we want to oppose . We oppose crazy decisions like the Maharlika Fund, that is madness. That’s why we oppose it,” sabi ni Pimentel.
Gayonman, umaasa ang senador na hindi pipirmahan ni Pangulong Ferdinand “Bongbong” Marcos Jr. ang Maharlika Investment Fund bill dahil naniniwala siyang hindi naman talaga ang bersyong madaliang ipinasa ng Kongreso ang gusto ng Punong Ehekutibo.
“Ang the best ngayon, I think it will be a patriotic act for the President if he will go over all the wordings of the Maharlika Investment bill and he will realize that this is not the vehicle for the fund he had in mind when he backed this bill. And he would see the inherent contradictions and inconsistencies in the law,” sabi ng senador.
Wala naman aniyang masama kung ibabalik ng Pangulo sa Kongreso ang MIF bill para ayusin o pag-aralan mabuti kahit sinertipikahan niya ito as urgent bill.
Paliwanag ni Pimentel, ginawa na ito noon ni dating Pangulong Rodrigo Duterte, ibinalik sa Kongreso ang ENDO bill kahit sinertipikahan ito bilang urgent bill.
“Nangyari na ito, ang aking example si President Duterte, nag-certify siya ng ending ENDO, Congress passed it. But apparently he had a change of mind or a change of heart and he did not appreciate the version given to him so he vetoed it. It can happen, a certified bill can be vetoed,” wika pa ng senador.
